Shairy43

baadal orh k guzroon ga main teray aangan se
qaus o qazah k sab rangonmain tujh ko bheega dekhoon ga

raat gaye jab chaand sitaray lukan meeti khelein gay
aadhi raat ka sapna ban kar main bhi tum ko chuu loon ga

be-mausam baarish ki soorat der talak aur door talak
teray diyar-e-husn pe main bhi kin min kin min barsoon ga

sharam se dohra ho jaye ga kaan para wo bunda bhi
baad-e saba k lehjay main ek baat main aisee poochoon ga

safha safha ek kitaab husn si khultee jaye gi
aur usi ko lau main phir main tum ko azbar kar loon ga!

waqt k ek kankar nay jis ko akson main taqseem kia
aab-e-rawan main kaisay amjad ab wo chehra joroon ga

kabhi rangoon ki kehkashaan mein
kabhi baharoon kai mausam mein
mujhe barish bulati hai
yehi har pal sunati hai
kisi nai yaad kiya tum ko
koi har pal bulata hai
hawa ki har ek shokhi mein
us ki batoon ki shararat hai
naram boondoon ki sangat mein
us ki chahat ki ahat hai
mujhse har pal har lamha ye
haseen mausam yeh kehta hai
barasti bondoon mein dekho
woh tumhare sath rehta hai ........

Main Udas Rasta Hon Sham Ka ,Mujhay Ahaton Ki Talash Hai
Ye Sitaray Sab Hain Bujhay Bujhay ,Mujhay Jugnuon Ki Talash Hai
Wo Jo Ek Darya Tha Aag Ka Wo To Raasto Se Guzar Gaya
Mujhe Kab Se Rait Ke Shahar Mein Nai Barishoo Ki Talash Hai

Phoolo par shabnam ki nami hai
rango ki mehfil si jammi hai
mosam bhi manzar bhi main bhi
kehte hai bas teri kami hai
bhaghon mein jo hum mile
to gaaye saari koyalain
mehke sara ye shama
hawaye mehki si chale...............